ლიზინგი აქტივების დაფინანსების სწრაფი და მოქნილი მიდგომაა. ის დაფინანსების გონივრული ალტერნატიული გზაა, ვინაიდან დამატებითი უზრუნველყოფის საგნის მოთხოვნა არ ხდება. ლიზინგით გადაცემული აქტივი (ამ შემთხვევაში მზის პანელები) თავად ასრულებს მთავარი უზრუნველყოფის ფუნქციას.

სისწრაფის გარანტი კი, საპროგნოზო შემოსავლებზე დაყრდნობაა, რაც მნიშვნელოვნად ამცირებს ხელშეკრულების მომზადებისა თუ ლიზინგის გაცემის დროს. კერძოდ, პროექტის დამტკიცება მზის პანელებიდან მიღებული საპროგნოზო შემოსავლის საფუძველზე არის შესაძლებელი.

დაარსების 20 წლის თავზე,თიბისი ლიზინგი ფლობს ბაზრის 80%-ზე მეტ წილს, ემსახურება 2,000-ზე მეტ კლიენტს და მართავს 400 მილიონამდე ლარის მოცულობის პორტფელს. ბოლო ხუთი წლის განმავლობაში, კომპანიამ მოიზიდა 1 მილიარდი ლარის ინვესტიცია, რომლის რეინვესტირებაც თავის მხრივ, სხვადასხვა დარგის აქტივების დაფინანსების საშუალებით საქართველოს ეკონომიკაში განხორციელდა.

კომპანიის მნიშვნელოვანი წარმატების გასაღები მდგომარეობს მის, როგორც საერთაშორისო, ასევე ადგილობრივი აქტივების პროვაიდერების ფართო ქსელში. თიბისი ლიზინგის ძალისხმევა ჩამოაყალიბოს მყარი კავშირები როგორც მომწოდებლებთან, ასევე მომხმარებლებთან, უზრუნველყოფს ინტენსიურ და გრძელვადიან ურთიერთობას. რაც თავის მხრივ, აისახება როგორც პროდუქტის ხარისხსა და საიმედოობაში, ასევე შეძენის შემდგომ მომსახურებასა და მხარდაჭერაში.